१६ साउन, काठमाडौं । नेपाल कमर्स क्याम्पसका प्राध्यापक धर्मराज विष्ट हत्यामा संलग्न भएको आरोपमा पक्राउ परेका व्यक्तिलाई प्रहरीले सार्वजनिक गरेको छ ।
पक्राउ पर्नेमा काठमाडौं कोटेश्वरका ३९ वर्षीय रन्जन खड्का छन् । काठमाडौं उपत्यका अपराध अनुसन्धान कार्यालयको टोलीले भारतको बैंग्लोरबाट उनलाई पक्राउ गरी ल्याएको हो । हत्या पछिको १७ वर्षसम्म उनी फरार थिए । उनी भारतमा रंग लगाउने काम गर्दै आएको प्रहरीले जनाएको छ ।
पक्राउ परेका खड्काले प्रा. विष्टलाई सुरुमा गालामा थप्पड हानेको र अन्य व्यक्तिले रडले प्रहार गरेर हत्या गरेको पाइएको अपराध अनुसन्धान कार्यालयका एसएसपी सानुराम भट्टराईले जानकारी दिए ।