एजेन्सीएजेन्सी,अमेरिकी राष्ट्रपति डोनाल्ड ट्रम्पले गाजाबाट बन्धकहरूको रिहाइ सम्बन्धी युद्धविराम सम्झौतामा ुयुद्ध समाप्तु भएको बताए।
ट्रम्पले इजरायली प्रधानमन्त्री र मध्यस्थकर्ता कतारको प्रशंसा गर्दै गाजामा छिट्टै ुशान्ति बोर्डु स्थापना हुने बताए।
उनले इजरायल र इजिप्टमा हुने शिखर सम्मेलनको नेतृत्व गर्नेछन्, जसमा युद्ध अन्त्य गर्ने दस्तावेजमा हस्ताक्षर हुने अपेक्षा गरिएको छ।
वासिङ्टन डिसी । अमेरिकी राष्ट्रपति डोनाल्ड ट्रम्पले गाजाबाट बन्धकहरूको रिहाइ सम्बन्धी इजरायल र हमासबीचको युद्धविराम सम्झौतामाथि टिप्पणी गर्दै ‘युद्ध समाप्त’ भएको बताएका छन् ।
बन्धक रिहाइको निरीक्षण गर्न इजरायल जाँदै गर्दा एयर फोर्स वनमा बोल्दै उनले युद्धविराम कायम रहने र गाजाका लागि छिट्टै ‘शान्ति बोर्ड’ स्थापना हुने बताए । उनले गाजालाई ‘विध्वंसको थलो’ जस्तो देखिएको उल्लेख गरे ।
ट्रम्पले इजरायली प्रधानमन्त्री बेन्जामिन नेतन्याहू र मध्यस्थकर्ता कतारको भूमिकाको प्रशंसा गरे । हमासले गाजामा बाँकी रहेका सबै बन्धकहरूलाई स्थानीय समयअनुसार सोमबार मध्यान्हसम्ममा रिहा गर्नुपर्ने समयसीमा छ । ट्रम्प सोमबार नै युद्ध अन्त्य गर्ने अन्तर्राष्ट्रिय शिखर सम्मेलनका लागि इजिप्ट जाने कार्यक्रम छ ।
हमासले करिब २० जना जीवित बन्धक र २८ जनासम्म मृत बन्धकका अवशेषहरू हस्तान्तरण गर्ने अपेक्षा छ । यसैबीच, इजरायलले करिब २५० प्यालेस्टिनी कैदी र गाजाका १,७०० बन्दीहरूलाई रिहा गर्नुपर्नेछ ।
ट्रम्पले आफ्नो शान्ति वार्ता कौशलको प्रशंसा गर्दै भने, ‘म युद्ध समाधान गर्नमा निपुण छु । म शान्ति स्थापना गर्नमा निपुण छु ।’ उनले गाजा भ्रमण गर्ने इच्छा व्यक्त गर्दै आगामी दशकहरूमा गाजा एउटा ‘चमत्कार’ बन्ने विश्वास व्यक्त गरे ।
ट्रम्पले सोमबार इजरायलमा उत्रिएर त्यहाँको संसद क्रेसेटलाई सम्बोधन गर्नेछन् । त्यसपछि उनले इजिप्टका राष्ट्रपति अब्देल फत्ताह अल–सिसीसँग शर्म एल(शेखमा हुने शिखर सम्मेलनको नेतृत्व गर्नेछन् ।
इजिप्टको विदेश मन्त्रालयले ‘गाजा पट्टीमा युद्ध अन्त्य गर्ने एक दस्तावेज’ मा हस्ताक्षर हुने अपेक्षा गरेको छ । बेलायतका प्रधानमन्त्री सर कियर स्टार्मर र प्यालेस्टिनी राष्ट्रपति महमुद अब्बास लगायत २० भन्दा बढी देशका नेताहरू सम्मेलनमा सहभागी हुनेछन् ।
यसअघि, अक्टोबर ७, २०२३ मा हमासले दक्षिणी इजरायलमा गरेको आक्रमणमा करिब १,२०० मानिस मारिएका र २५१ जनालाई बन्धक बनाइएको थियो । हमास सञ्चालित स्वास्थ्य मन्त्रालयका अनुसार त्यसपछि इजरायलको सैन्य कारबाहीमा १८,००० भन्दा बढी बालबालिका सहित ६७,००० भन्दा बढी प्यालेस्टिनी मारिएका छन् ।
बीबीसी
