काठमाडौं । बर्लिन फिल्म फेस्टिभलको मुख्य विधामा छनोट भएर इतिहास रचेको नेपाली फिल्म ‘साम्बाला’को ट्रेलर सार्वजनिक भएको छ । ‘कालोपोथी’ फेम्ड मीनबहादुर भामको यो दोस्रो निर्देशकीय फिचर हो ।
फेब्रुअरी २३ मा बर्लिनमा विश्व प्रिमियर हुनुअघि यो ट्रेलर सार्वजनिक भएको हो । फिल्मका शीर्ष कलाकार थिन्ले ल्हामो र सोनम तोप्देन ट्रेलरमा छन् । यो फिल्मले नेपाली हिमालय क्षेत्रमा सेट गरिएको कथा पेश गर्छ ।
